Izraeli bombardon ambasadën iraniane në Siri! Vriten 2 gjeneralët e lartë të Gardës Revolucionare dhe 5 oficerë! Reagon Teheran: Do përgjigjemi ashpër (VIDEO)

Karine Jean-Pierre

Nëse raportet janë të vërteta është "thellësisht shqetësuese" që Izraeli synon të mbyllë “Al Jazeera”.

Kështu është shprehur zëdhënësja e Shtëpisë së Bardhë Karine Jean-Pierre gjatë një konference për mediat ditën e sotme.

Korpusi i Gardës Revolucionare Islamike të Iranit ka deklaruar se "Izraeli kreu një krim në Damask, i cili çoi në martirizimin e gjeneral brigade Mohammad Reza Zahedi, gjeneral brigade Mohammad Hadi Haji Rahimi dhe 5 të oficerëve që po i shoqëronin", raporton ‘Al Jazeera’.

Garda Revolucionare shtoi se sulmi izraelit "vjen pas dështimit të tij përballë rezistencës palestineze dhe luftëtarëve të Frontit të Rezistencës Islamike në rajon".

Antony Blinken 

Sekretari Blinken do ta nisë turin e tij në Paris ku pritet të takohet me Presidentin Emanuel Macron dhe të bisedojë mbi mbështetjen për Ukrainën, shmangien e përshkallëzimit më gjerë të luftës mes Izraelit dhe Hamasit dhe rikthimin e qëndrueshmërisë në Haiti.

Shtetet e Bashkuara dhe Franca kanë qenë ndër mbështetësit kryesorë të Ukrainës që kurse Rusia nisi sulmin në shkallë të gjerë ndaj fqinjit të saj dy vjet më pare.

Zoti Blinken pritet të udhëtojë drejt Brukselit për takimin e ministrave të jashtëm të vendeve anëtarë të NATO-s, ndërsa Aleanca shënon 75 vjetorin e saj.

Gjatë qëndrimit në Bruksel, zoti Blinken pritet të takohet me homologun ukrainas Dmytro Kuleba dhe Sekretarin e Përgjithshëm të NATO-s Jens Stoltenberg.

Të premten, pritet të zhvillohet një takim tre palësh mes Shteteve të Bashkuara, Bashkimit Europian dhe Armenisë mbi mbështetjen amerikane dhe europiane ndaj ekonomisë së Armenisë, ndërsa vendi përpiqet të zgjerojë partnerët tregtarë dhe t’i japë zgjidhje nevojave humanitare.

Presidentja e Komisionit Europian Ursula von der Leyen dhe kryeministri armen do të drejtojnë delegacionet e ndërsjella./ VOA

Parlamenti i Izraelit ka miratuar një ligj që i lejon shtetit izraelite që të pengojë stacionet e huaja televizive të operojnë në territorin e saj nëse besohet se ato mund të kërcënojnë sigurinë kombëtare.

Ky vendim i parlamentit izraelit është bërë me dije nga “The Times of Israel”, duke kujtuar se ky ligj mund të çojë në mbylljen e |Al Jazeera”, një media nga Katari, në Izrael.

Ministri izraelit i Komunikimeve, Shlomo Karhi, duke komplimentuar parlamentin për miratimin e këtij ligji shtoi se “nuk do të ketë liri të fjalës për zëdhënësit e Hamasit në Izrael. Al Jazeera do të mbyllet në ditët në vijim."

Spitali Al-Shifa në Gaza

Një ndër objektet palestineze më të goditura në mënyrë konstante dhe të pamëshirshme nga Izraeli që nga fillimi i luftës në Gaza ka qenë spitali Al-Shifa.

Pas shumë kohësh duket se Izraeli ka arritur qëllimin e tij ushtarak dhe është larguar nga kjo zonë e ky objekt, duke shkaktuar viktima dhe pasoja të rënda.

Për ushtrinë izraelite bastisja e spitalit palestinez ka qenë një ndër operacionet e saj më të suksesshme, pasi në atë objekt e zonën përreth saj ka arritur të eliminojë

shumë luftëtarë të Hamasit dhe militantë të tjerë, përfshirë operativë të lartë, dhe sekuestroi armë e të dhëna të vlefshme për shërbimet e zbulimit.

Agjencitë e Kombeve të Bashkuara thanë se disa pacientë vdiqën dhe dhjetëra u rrezikuan gjatë operacionit që solli edhe më shumë shkatërrim në një spital që tashmë kishte pushuar së funksionuari. Ditët e luftimeve të ashpra treguan se Hamasi ende mund të bëjë rezistencë edhe në një nga zonat më të goditura të Gazës.

Mohammed Mahdi, i cili ishte në mesin e qindra palestinezëve që u kthyen në zonë, e përshkroi vendin si skenë të "shkatërrimit të tërësishëm”. Ai tha se disa ndërtesa ishin djegur dhe se kishte numëruar gjashtë trupa në zonë, duke përfshirë dy në oborrin e spitalit.

Izraeli e ka akuzuar Hamasin për përdorimin e spitaleve për qëllime ushtarake dhe ka bastisur disa objekte mjekësore. Ushtria izraelite tha se nisi operacionin në Shifa pasi Hamasi dhe militantët e tjerë ishin rigrupuar atje.

Zyrtarët shëndetësorë në Gaza i mohojnë këto akuza. Kritikët akuzojnë ushtrinë për rrezikimin e pamatur të civilëve dhe për shkatërrimin e një sektori shëndetësor tashmë të mbingarkuar me të plagosur nga lufta. Palestinezët thonë se trupat izraelite evakuuan me forcë shtëpitë pranë spitalit Shifa në qendër të qytetit të Gazës dhe detyruan qindra banorë të ikin në jug.

Të paktën 21 pacientë kanë vdekur që nga fillimi i operacionit, shkroi në rrejtin X Drejtori i Përgjithshëm i Organizatës Botërore të Shëndetësisë Tedros Adhanom Ghebreyesus.

Të paktën pesë persona të Gardës Revolucionare iraniane vdiqën nga bombardimet izraelite në Damask, konfirmojnë mediat iraniane. Ndërkohë, ambasadori iranian në Damask, I cili e kishte parë sulmin nga dritarja e rezidencës së tij, tha se konsullata është goditur nga "gjashtë raketa të lëshuara nga avionët F-35"

Ndërkohë në rrjetin social X janë publikuar dhe pamje nga ambientet e brendshme të ambasadës iraniane të shkatërruar. 

Hossein Akbari

Irani ka reaguar ndaj bombardimit dhe shembjes së ambasadës së saj në Damask të Sirisë nga Izraeli.

Ambasadori iranian në Siri, Hossein Akbari, tha se "përgjigja e Teheranit do të jetë e ashpër" ndaj sulmit të Izraelit, ku u vranë tetë persona, duke përfshirë Mohammad Reza Zahed , komandant i lartë i Gardës Revolucionare.

Diplomati shtoi se "pasi të pastrohen rrënojat e ndërtesës së shkatërruar, do të bëhet i ditur numri i saktë i viktimave", raporton La Reppublica.

Një ndërtesë që “i përket Ambasadës së Republikës Islamike të Iranit dhe kishte flamur është goditur sot në Damask. Kjo është raportuar në X nga rrjeti iranian Snn, (Students News Network). Sipas rrjetit televiziv al Arabya sulmi - që atribuohet Izraelit shkaktoi të paktën gjashtë vdekje. Sulmi vrau një komandant të lartë të Gardës Revolucionare iraniane, Mohammad Reza Zahedi, një eksponent kryesor i Forcave Quds në Siri dhe Liban, ndërsa thuhet se ambasadori iranian nuk u lëndua.